Harald Schicke, Germanio
 

Biero plibonigas per siaj valoraj vitaminoj kaj oligoelementoj la homan metabolon.
La enhavajhoj estas facile sorbeblaj kaj plibonigas la funkciadon de la intestaro. La renoj pli facile forigas rubajhojn el la sango. Tial ne mirigas la plibeliga efiko, kiun la moderna kosmetiko bedaurinde plene neglektas.

Chiu naturmetoda kuracisto facile konstatas la beligajn efikojn de la biero je ungoj, hauto kaj haroj.
La ungoj fortikighas kaj malpli facile rompighas. La hararo densighas kaj brilas pli multe. Tiuj efikoj devenas de la mineraloj kaj oligoelementoj en la biero.

La hauto belighas pro maldensa alkoholo en la biero, kiu vastigas sangotubetojn kaj tiel malpaligas la hauton. Tiel ghi aspektas kaj estas pli sana.
La pli bona funkciado de la intestaro (evito de mallakso) kaj de la renoj (forigo de venenaj substancoj en la sango) malsharghas la hauton, kiu ankau haves la funkcion forigi tiajn substancojn, se la aliaj organoj tion ne kapablas. Tial homoj ektrinkantaj bieron rapide senighas je aknoj. La akneoj malaperas.

Tio estas grava diferenco al aliaj trinkajhoj, kiaj limonadoj kaj kolaoj enhavantaj grandajn kvantojn da sukero sen akompanantaj oligoelementoj kaj vitaminoj. Tiaj trinkajhoj akcelas la aperon de akneoj.
Homoj per biero nature plibelighas. Kosmetikajhoj tute malnecesas por bieremaj geviroj!

La ekstera uzo de biero same graves de jarmiloj. Jam la sinjorinoj en la antikva Egiptujo sciis pri tio. Precipe la shaumo de la biero valoras por ekstera uzado. Chu vi memoras la dukon Vilhelmo la 4a, kiu en 1516 dekretis la leghon pri pureco de la germane biero?
Ties kortega apotekisto Johann Casimir August Christian SAUGFUSS verkis en 1541 "Tractat vom Bier" (traktaljho pri biero:). En ghi li konsilis al virinoj balzami siajn vizaghojn kaj mamojn per biera shaumo. Tio plibeligas kaj strechas la hauton kaj mamojn. La prusa reghino Luise (1776 - 1810) laudire plibeligis tiel siajn mamojn. Shia edzo ordonis al shi chetable trinki bieron antau, dum kaj post la manghoj. Krome shi devis balzami siajn mamojn tage zorge per biero.

En multaj regionoj de Germanujo junulinoj lavis sin per biero anstatau uzi akvon por plibeligi. Malrichaj junulinoj tiucele achetis la restintan en la bareloj bieron, kiun neniu plu deziris trinki, char en ghi jam mankis la shaumo. Richaj knabinoj achetis la unuan bieron el la barelo, kiu enhavis plej multe da shaumo. Tiom multe ech, ke nuntempe oni forjhetas tiun unuan bieron. La shaumo chiam famis kiel plibeligilo por la hauto kaj haroj

Nuntempe multaj virinoj lavas sian korpon per akvo, sed la harojn per biero. Tiel la haroj pli multe brilas, farighas pli molaj kaj silikecaj, se oni post la lavado per biero forigas ghin per akvo.
Se oni ne forlavas la bieron, la efiko estas alia: tiam la haroj malmolighas kaj la frizajho restas pli longe en la shatata formo.  Tio shpares kemiajn harmalmoligilojn.

Estas konsilinde uzi por tiu lavado helan eksportan au pilsenan bieron, char la malllela odoras pli multe lau malto. Tion multaj virinoj eble ne shatus.

(Tiu chi artikolo estas eltirajho el la la libro de Harald Schiche "Germanaj biero kaj bierkulturo, 130 paghoj, 67 ilustrajhoj, 4 tabeloj, ISBN3-89240-095-4)