|
La
2-a konferenco de Internacia
Naturkuraca Asocio okazis
de la 5-a ĝis la 9-a de
decembro, 2005 en Ŝanhajo, Ĉinio.
Ĝi kunvenigis pli ol 40
naturkuracistojn kaj interesulojn,
kiuj konferencis sub la
temo "Maljuniĝo kaj
Naturkuracado".
Prelegis sep naturkuracistoj
el kvin landoj en la teknike
perfekte kaj lukse ekipita
konferencejo de la Federacio
de Sociaj Sciencoj. Jen
la listo de la prelegoj:
WANG Disheng, Ĉinio:
"Saniga vojo al maljuniĝo"
per taŭgaj nutraĵoj. S-ro
Wang estas la aŭtoro de
la libro "Tradicia
Ĉina Dieto".
Puramo CHONG, Usono:
"Kontraŭ maljuniĝo"
- kiujn regulojn oni atentu
laŭ la Tradicia Ĉina Medicino
por longe kaj sane vivi.
D-ro Chong estas la aŭtoro
de la libro "Kompleksia
medicino kaj Saama akupunkturo".
Alfredas Maruŝka, Litovio:
Aplikata kineziologio -
saniga armilo kontraŭ malsaneco
kaj maljuneco".
CUI Zhiqin, Ĉinio: "Tetrinkado
- sano kaj plezuro por maljunuloj".
S-ro Cui estas la aŭtoro
de la libro "Ĉina-Esperanta
vortaro pri medicinaj vegetaloj",
kiu estas pli multe ol nur
vortaro. Ĝi mencias por
ĉiu medicina vegetalo originon,
ĉefajn efikojn, indikojn,
dozon kaj uzadon.
Harald SCHICKE, Germanio:
"Kunbiera prelego"
pri la saniga valoro de
bone produktita biero kun
speciala atento al maljunuloj.
S-ro Schicke estas la aŭtoro
de la libroj "La korpo
de la homo - enkonduko al
konstruo kaj funkcio"
kaj "germanaj biero
kaj bierkulturo". Ambaŭ
libroj estas ne plu estas
haveblaj, novaj eldonoj
en preparo.
Harald SCHICKE, Germanio:
"Naturkuracado en Germanio"
WANG Qiaochu, Ŝanhaja
Medicina Hospitalo pri TĈM:
"La ritmo de arakida
folio pri 'malfermiĝo tage
- fermiĝo nokte kaj farmacia
esplorado" pri la eltrovo
de nova herba medikamento
por sanigi sendormecon.
YIN Suhua, Ŝanhaja
Medicina Hospitalo pri TĈM:
Pri la materialoj uzataj
kiel naturaj medikamentoj
kaj ilia preparo.
Rosa EBEL, Germanio:
"Abeloj kaj apiterapio"
pri la vivo de la abeloj
kaj iliaj produktoj kun
ties saniga valoro.
(daŭras
alipaĝe, klaku!)
|
Konferenco